Мускатното оревче е семе од плодот на зимзелено дрво од фамилијата Myristicaceae. Тоа има сладок, нималку горчлив вкус, но силна препознатлива арома. Најчесто се користи во десерти, но се користи и во многу солени јадења, при што се комбинира со свински ребра, пилешко, јагнешко, па дури и со риба, а одлично е и во комбинација со зелка, моркови, кромид, со тиква, компир и со спанаќ. Доколку сакате да го комбинирате со други зачини, најдобро е со цимет, каранфилче, ѓумбир, со кумин, кадамон, коријандер и со тимјан.